يمكنكم الاستماع لبرنامج كلام جميل مباشرةً عن طريق Spotify و Apple Podcasts

بوح وجداني يُقدّم جانب من خبرة الحياة في البحر وما يتعلق فيه برؤية خاصة يسردها مقدمه جميل القره في دقائق تحاول الوصول إلى قلوب مستمعي راديو سيي زون 

برنامج هو باختصار ما جاء في الحلقة الافتتاحية 

 "بالعامية"
.... من تم الانسان ممكن يطلع كل أنواع الكلام، لكن أحلى الناس هنة يلي بيطلع من تمهم كلام حلو، كلام مفيد، كلام بيسعد كل حدى بيسمعه. بتتخيلو قديش في بهالحياة كلام ؟ 

في كتير، لدرجة اذا حاولنا نعد شو نقال أو شو رح ينقال رح نغرق، لأنو من أول ما بيتعلم الإنسان الكلام بيبلش يسبح بمفرداته ويغوص بمعانيه وتاخده وتجيبه أمواجه، بيكتشف أنو الكلام بحر من بحر الكلام رح يكون كلامنا كلام جميل

ليش لما بدهن يقولو عن شي أنو كتير وكتير كتير، بيقولو بحر؟ 

 ليش لما بدهن يوصفو شي مفيد بيقولو بحر؟ 

ليش لما بدهن يوصفو الكرم وخير بيقول بحر؟ 

أولاً وببساطة وعلمياً لأنو البحر الشي الأكبر على وجه الأرض أكثر من 71% من مساحة هاد الكوكب يلي عايشين عليه هي بحر وكانت قبل مساحة البحر أكبر، ومن كرم الله و البحر علينا أنو انحسر عن مساحات أراضي ليعطينا مساحات نعيش فيها وتكون النا حياتنا يلي أصلاً بدأت بالبحر

أكبر المخلوقات الحية على وجه الأرض هية في البحر. 

أكبر تجمع أحياء وكثافة سكانية على وجه الكوكب في البحر. 

أكبر تنوع لوني وكائنات حية هي في أعماق البحر

أغنى مكان وأرخص مكان هو البحر تخيلو هالمكان الأكبر وفيه من كل شي الأكتر والأكبر هالمكان يلي فيه كنوز لا تعد تحصى فيك بسنارة صغير تاكل وتطعمي عيلتك واذا اجتهدت تعيش ملك.

البحر بكل تفصيله فيه يلي بينحكى عنو أكتر لهيك كل مرة بنحكي عن شي جميل متل البحر يلي مافي أجمل منه إلا هو.

فريق عمل البرنامج:

إعداد وتقديم : جميل القرة

إشراف: أمجد طعمة